हे यए गोरी अहाँ कतय चैलगेलियै--२
गीत:-
हे यए गोरी अहाँ कतय चैलगेलियै--२ मुखड़ा
संग जीयब मरब किरिया खेने छलियै
संग छोड़ब नै सपथ लेने छलियै
छन में सभटा किरिया सपथ तोईड देलियै
हे यए गोरी अहाँ कतय चैलगेलियै--२
अहाँ बिन हम एकौ पल जीव नै सकब
माहुर विछोड्क हम पीव नै सकब
कहू संग कोना हमर अहाँ छोईड गेलियै
हे यए गोरी अहाँ कतय चैलगेलियै--२
छोट्मोट नोकझोंक होईते छै पियार में
साँच प्रेम कहाँ भेटत कतौ बाज़ार में
अदना बात पर किया रुईस गेलियै
हे यए गोरी अहाँ कतय चैलगेलियै--२
बाह्रैन नै पडैय गोरी घर आँगन दुवार में
बाती नै जरैय रहैत छि हम अन्हार में
दुधमुहा नेना के कोना बिसैर गेलियै
हे यए गोरी अहाँ कतय चैलगेलियै--२
खेतक काज सं थाकि आबी चूल्हा चौका करैछी
एसगर कन्किरबा कनकिरबी कें हमही डेबैछि
बच्चा बुच्ची सं मुह कोना मोईड लेलियै
हे यए गोरी अहाँ कतय चैलगेलियै--२
रचनाकार:-प्रभात राय भट्ट
0 टिप्पणियाँ:
एक टिप्पणी भेजें