शुक्रवार, 30 नवंबर 2012

विदेह मैथिली लघुकथा

Read more...

सोमवार, 26 नवंबर 2012

vidyapati parvak bhel shubharambh


  दरभंगा,  25 नवम्बर (मिआसं)। तृदिवसीय मिथिला विभूति पर्वक शुभारम्भ सोमकेँ एमएलएसएम कालेजक परिसरमे भेल। एहि अवसरपर स्वास्थय मंत्री अश्वनी कुमार चौबे दीप जरा कार्यकर्मक शुभारम्भ केलनि। एकरा बाद ओ बाबा विद्यापति, आर्चाय सुरेन्द्र झा सुमन आ बाबा नागार्जुनक प्रतिमापर माल्यापर्ण के लनि। कार्यकर्मक शुरूआत बाबा विद्यापतिक गोसाउनिक रचना ‘जय-जय भैरवीसँ’ डा. ममता ठाकुर केलनि। पाहुन सभक स्वागतमे सुषमा झा ‘मंगल मय दिन आजु हे पाहुन छथि आएल’ गीत गौलनि। स्वागत भाषण करैत एलएनएमयू केर कुलपति समरेन्द्र प्रताप सिंह कहलनि जे बाबा विद्यापति अवहट्ट भाषामे रचना कऽ मैथिली भाषाकेँ देश-विदेश भरिमे प्रस्द्धि देयौलनि। हुनकर गीतमे कतौ राधा-कृष्णक श्रृंगार देखबा लेल भेटैत अछि तँ कतौ प्रेमी-प्रेमीकाक विरह। संस्थानक महासचिव एहि अवसरपर राज्य सरकारसँ माङ केलनि जे राज्यक एक मात्र भाषा मैथिलीमे विद्यालयसँ लऽ उच्च स्तरीय धरि शीक्षा भेटक चाही।

बिहारी हेबा सँ पहिने मैथिल छी: विनोद ना. झा

मिथिला विभूति पर्वक अवसरपर बेनीपट्टी विधायक विनोद नारायण चौधरी कहलनि जे मिथिला वासी बिहारी हेबासँ पहिने मैथिल छथि। ओ कहलनि जे मिथला आइ धरि विकास नञि केलक एहिमे दुनू पक्षक दोष अछि। राज्य सरकार कतेक करत। जा धरि मिथिला वासी नञि जगता ता धरि उचित सम्मान नञि भेटत। ओ कहलनि मिथिला वासी बेसीक चाह नञि करै छथि। जहिना बंङालमे बङालीकेँ, असममे असमियाकेँ , पञ्जाबमे पञ्जाबीकेँ , महराष्ट्रमे मराठीकेँ आ अन्य राज्यक भाषाकेँ  अपना राज्यमे भेटैत अछि तहिना मैथिलीकेँ  मिथिलामे सेहो भेटक चाही।

आठ गोटेकेँ  कएल गेल सम्मानित

एहि अवसरपर विद्यापती सेवा संस्थान द्वारा आठ गोट विभूतीकेँ मिथिला रत्नसँ सम्मानित कएल गेल। एहि मे स्व. दरबारी दास, डा. शिवकान्त पाठक, डा. वीणा ठाकुर, रमाकान्त राय रमा, डा. किशोर नाथ झा, डा. चन्द्रमोहन झा, डा. मोहन मिश्र, श्रीमती शौम्य साह छथि। उल्लेखनीय अछि जे संस्थान प्रत्येक बरख मिथला रत्नसँ विद्वान सभकेँ  सम्मानित करैत अछि।

Read more...

शनिवार, 24 नवंबर 2012

रुबाइ


मैथिली साहित्यक आँच सुनगैत अछि 
सगरो नव विधाक ज्वला पजरैत अछि 
कोटी नमन जिनकर बिछल जारैन अछि 
विदेहक बारल आगि 'मनु' लहकैत अछि 

Read more...

शुक्रवार, 23 नवंबर 2012

विदेह मैथिली पद्य

Read more...

बुधवार, 7 नवंबर 2012

गजल


करेजक बात नै कहियो बनल एतय
कियो सुनलक कहाँ मोनक कहल एतय

सुखायल गाछकेँ पटबैसँ की हेतै
फरत कोना जखन गाछे जरल एतय

हँसी कीनैत रहलौं सदिखने ऐठाँ
लए छी हम नुका आत्मा मरल एतय

लिखलकै भाग्य बिधि सबहक अलग कलमसँ
कपारक गप कियो नै पढि सकल एतय

गडै पर शूल "ओम"क आह नै निकलै
भऽ गेलौं सुन्न काँटे टा गडल एतय
बहरे-हजज
मफाईलुन (ह्रस्व-दीर्घ-दीर्घ-दीर्घ) - ३ बेर प्रत्येक पाँतिमे

Read more...

मंगलवार, 6 नवंबर 2012

समन्वय २-४ नवम्बर २०१२ इण्डिया हैबीटेट सेन्टर भारतीय भाषा महोत्सव SAMANVAY 2-4 November 2012 IHC INDIAN LANGUAGES' FESTIVAL/ २ नवम्बरकेँ प्रारम्भ भेल -ज्योतिरीश्वर पूर्व विद्यापतिक जीवनपर आधारित "उगना रे" पर कथक नृत्यांगना शोभना नारायणक नृत्य लोककेँ मंत्रमुग्ध केलक/ ३ नवम्बरकेँ मैथिलीमे ब्राह्मणवाद, ज्योतिरीश्वरपूर्व विद्यापति आ मैथिलीमे प्रेमक गीतपर भेल बहस

-समन्वय २-४ नवम्बर २०१२ इण्डिया हैबीटेट सेन्टर भारतीय भाषा महोत्सव SAMANVAY 2-4 November 2012 IHC INDIAN LANGUAGES' FESTIVAL/

-२ नवम्बरकेँ प्रारम्भ भेल -ज्योतिरीश्वर पूर्व विद्यापतिक जीवनपर आधारित "उगना रे" पर कथक नृत्यांगना शोभना नारायणक नृत्य लोककेँ मंत्रमुग्ध केलक

 - ३ नवम्बरकेँ मैथिलीमे ब्राह्मणवाद, ज्योतिरीश्वरपूर्व विद्यापति आ मैथिलीमे प्रेमक गीतपर भेल बहस -बहसमे भाग लेलनि उदय नारायण सिंह नचिकेता, देवशंकर नवीन, विभा रानी आ गजेन्द्र ठाकुर; आ मोडेरेटर रहथि अरविन्द दास -आकाशवाणी दरभंगा, हिन्दी अखबार सभक दरभंगा संस्करण, सी.आइ.आइ.एल. , साहित्य अकादेमी, नेशनल बुक ट्रस्ट आ अंतिका- मिथिला दर्शन, जखन-तखन, विद्यापतिकेँ पाग पहिरा कऽ विद्यापति पर्व केनिहार चेतना समितिक पत्रिका घर बाहर, झारखण्ड सनेस आदिक मैथिली साहित्यकेँ ब्राह्मणवादी बनेबाक प्रयासक विरुद्ध गएर ब्राह्मणवादी समानान्तर धाराक चर्च गजेन्द्र ठाकुर द्वारा भेल भेल -ज्योतिरीश्वर पूर्व गएर ब्राह्मण विद्यापति आ ज्योतिरीश्वरक पश्चात बला कट्टर संस्कृत-अवहट्ठ बला विद्यापतिक बीच अन्तर गजेन्द्र ठाकुर रेखांकित केलन्हि ऐ सँ पहिने हिनी आ मणुपुरीक कार्यक्रम सेहो भेल

_MAITHILI -LOVE's OWN LANGUAGE03 NOVEMBER 2012
-समन्वय २-४ नवम्बर २०१२ इण्डिया हैबीटेट सेन्टर भारतीय भाषा महोत्सव SAMANVAY 2-4 November 2012 IHC INDIAN LANGUAGES' FESTIVAL/
UGNA RE BY SHOBHNA NARAYAN 02 NOVEMBER 2012
-समन्वय २-४ नवम्बर २०१२ इण्डिया हैबीटेट सेन्टर भारतीय भाषा महोत्सव SAMANVAY 2-4 November 2012 IHC INDIAN LANGUAGES' FESTIVAL/ २ नवम्बरकेँ प्रारम्भ भेल

Read more...

  © Mithila Vaani. All rights reserved. Blog Design By: Chandan jha "Radhe" Jitmohan Jha (Jitu)

Back to TOP