****गजल ****

अखन त' आवाह्न केने छी अपन मिथिला लेल विसरजन अवश्य हेतै
एक दू रंजू सन सेनानी शहीद भेली सौ रंजू उपारजन अवश्य हेतै

शोणितक एक-एक बुन के लो' क' छोरत हिसाब मिथिला सब दुश्मन सौं
किछ भ' जाय आब त' मिथला पृथक राज बनि क' स्वर्गासन अवश्य हेतै

उज्जर बान्हने छी कफ़न मांथ पर क्रांति ध्वज आब फहरायेत रहत
सूर्य सन चमके मुखमंडल मिथिला रिपु मुख चूरासन अवश्य हेतै

निश्चय स्वर्ण आखर में नाम शहीदक मानचित्र लिखायेत मिथिला क'
गोबर सौं पोति देब नाम दानव कए जरल कोयलासन अवश्य हेतै

अपन स्वराज्यक जौं देखलौं सपन हम त' कोन बरका अपराध छैक
कतबो खौन्झेते दुश्मन सब मिथिला बस आब मिथिलासन अवश्य हेतै
{रूबी झा }

Read more...

****गजल ****

बड ब्यथित अछि मिथिला धाम हे राम कतो सौं आबि जाउ,...!
सुनु सन्तन क' करुण पुकार हे राम कतो सौं आबि जाउ .......!!

दुश्मन बाजी जीत नै लो' जाई डेराई अछि मोन एही संकट सौं ..!
भ' नै जाई ककरो आब मात हे राम कतो सौं आबि जाउ,.....!!

कांच घर अखन अहाँक भक्त के कांचे सबटा इमारत अछि .....!,
ओहू पर ई मेघ होय अछि घमसान कतो सौं आबि जाउ ........!!

मोनक डेरा में आब डॉर बसल अछि धुप्प अन्हरिया क'.....!
भ' नै जाई कतो राईत भगवान कतो सौं अबी जाउ .....!!

अन्ह्रायल आंखि में आब एकटा स्वप्न सजल अछि मिथिला क'
किये नै बुझै छी बात हे राम कतो सौं आबि जाउ.........!!

बूढ, जुआन आ बालक सेहो बाट ताकि अछि अपन स्वराजक .....!
धुंधलाएल किय अछि आसमान राम कतो सौं आबि जाउ ...........!!

बड ब्यथित अछि मिथिला धाम हे राम कतो सौं आबि जाउ,..........!
सुनु सन्तन क' करुण पुकार हे राम कतो सौं आबि जाउ ...........!!
.
>>रूबी झा <<

Read more...

जानकी नवमीपर जनकपुरमे बम विस्फोट- (रिपोर्ट पूनम मण्डल)

-आइ जानकी नवमीपर ३० अप्रैल २०१२ केँ जानकी नवमीपर जनकपुरमे बम विस्फोट भेल
-कमसँ कम पाँच गोटे मुइलाह, दू दर्जनसँ ऊपर घायल भेलाह।
-एक गोटे ठामे, तीन गोटे जनकपुर अस्पतालमे, आ एक गोटे काठमाण्डूमे जतऽ हवाइ जहाजसँ चिकित्सा लेल किछु गोटेकेँ लऽ जाएल गेल छल, मुइलाह।
-जनतांत्रिक तराइ मुक्ति मोर्चा द्वारा रामानन्द चौक, जनकपुरमे एकटा मोटरसाइकिल-बमक ई हमला संघमे मिथिला राज्य बनेबाक धरनापर कएल गेल। लगभग १५० गोटे धरनापर बैसल रहथि।
-मधेशी पार्टी सभ एक मधेशक मांग कऽ रहल अछि आ मिथिला राज्यक ऐ कारणसँ विरोध कऽ रहल अछि, जे ई मधेशी जनताकेँ तोड़बाक साजिश अछि।
मृतक-

रंजू झा, प्रचण्डसँ अन्तर्राष्ट्रीय मैथिली सम्मेलन, काठमाण्डूमे सम्मान ग्रहण करैत: चित्र साभार जितेन्द्र झा जनकपुर

मृतकमे रंजू झा, ३२ बर्ख- मिनाप (मिथिला नाट्यकला परिषद)क कलाकार, नाटक आ फिल्म अभिनेत्री; बिमल चरण, झगड़ू मण्डल आ सुरेश उपाध्याय छथि। एक गोटेक पहिचान नै भऽ सकल अछि।

Read more...